«Roma»ning yangi bosh murabbiyi kim bo‘lishi aniq bo‘ldi

Rimliklar «Atalanta» bosh murabbiyi Jan Pyero Gasperini bilan shartnoma tuzishga qaror qildi. Tomonlar muzokaralarning birinchi qismini o‘tkazishdi. Jan Pyero Gasperini «bo‘rilar»ni boshqarishga rozi bo‘lgan.

Jan Pyero Gasperini 2016 yildan beri Bergamo jamoasini boshqarib kelmoqda. So‘nggi vaqtlarda Gasperini va «Atalanta» rahbariyati o‘rtasida muammolar paydo bo‘lgani sababli murabbiy boshqa jamoaga o‘tish haqida o‘ylashni boshlagan.