Abbosbek Fayzullayev nima uchun «Benfika»ga o‘ta olmadi?

Abbosbek Fayzullayevning Portugaliyaning «Benfika» klubiga transferi amalga oshmadi, deb Kursiv.media xabar berdi. Bu haqda futbolchining vakili, Pro Sports Management kompaniyasi rahbari German Tkachenko Sport24 saytiga bergan intervyusida aytib o‘tdi.

Tkachenkoga ko‘ra, «Benfika» vakillari muzokaralar boshidayoq Rossiya klublari bilan hamkorlik qilmasliklarini aniq bildirgan.

«Fayzullayev haqida gaplashdik, lekin ular darhol “ruslar bilan ishlamaymiz” deb aytishdi. Shundan keyin aloqalar uzildi», — dedi Tkachenko.

Uning aytishicha, «Benfika»dan farqli ravishda ayrim Yevropa klublari Rossiya futbolchilari va klublariga nisbatan munosabatini yumshatmoqda. Masalan, Xavyer Izidor «Sanderlend»ga, darvozabon Matvey Safonov esa «PSJ»ga o‘tdi.

Shuningdek, «Braga» klubi futbolchisi Salasarning «Zenit» yoki «Spartak»ka transferi rejalashtirilgan edi, biroq huquqiy xavf omillari sababli kelishuv amalga oshmadi.

Tkachenkoning ta’kidlashicha, Yevropa transfer bozori hali to‘liq tiklanmagan bo‘lsa-da, Rossiya bilan aloqалар asta-sekin o‘zgarib bormoqdа. “Zamin” yangiliklarini “Telegram”da kuzatib boring