"Paxtakor"ning "Mash’al"ga qarshi 5:0 hisobida yakun topgan uchrashuvidan so‘ng "Sherlar" bosh murabbiyi Pedru Moreyra o‘z fikrlarini aytib o‘tdi.
- Hammaga xayrli kech. Oxirgi haftadagi o‘yinimizdan keyin bugungi uchrashuvimizni hammangiz ko‘rdinglar. Biz o‘yinga shunaqa tayyorgarlik ko‘rgandik. Raqibga qiyinchiliklar uyg‘otishga harakat qildik. O‘yinchilarimiz barchasini a’lo darajada bajarishdi. Tajovuzkor o‘ynashdi. To‘pni tezkorlik bilan olib qo‘yish holatlari ham juda ko‘p bo‘ldi. Hujumda sifatli harakatlarni amalga oshirdik. Bugungi g‘alaba bilan jamoamizdagi barchani tabriklayman. Bu g‘alaba keyingi uchrashuvlarga ham yaxshi kayfiyat bag‘ishlaydi.
- Raqibni fonida mana shunday yirik hisob qayd etildi, desak bo‘ladimi? Chunki oldingilari jiddiyroq edi. Bu safar “Paxtakor” futbolchilarini saviyasi va darajalari balandroq edi. Balki raqib boshqa darajadagi jamoa bo‘lganida bunday hisob qayd etilmasmidi?!
- Oldingi o‘yinlarga ham qaytadigan bo‘lsak, to‘g‘ri, yaxshi o‘ynaganmiz. Faqat qarshi hujumlarda gol o‘tkazib yuborgandik. Oldingi bellashuvda gol ham urgandik, ammo bekor qilishdi. O‘tkazib yuborgan golimiz ham kichkina detal hisobiga yuz bergan. Bugun ham shunday o‘ynadik. Faqatgina kichik detallarda xato qilmaslikka va to‘pni egallab raqib jarima maydoni yaqinida gol urishga harakat qildik. O‘yinchilarimiz boshidan oxirigacha vazifalarni yaxshi bajarishdi. Mana, bizda jarohat olgan futbolchilar bo‘ldi. O‘zbekistonda ekanligimdan juda xursandman. O‘yinlarni ko‘ryapman, menga nihoyatda yoqyapti.
Biz birinchi navbatda o‘yinni ko‘ra bilishimiz kerak. Agar aksincha bo‘lganida ham baribir shu gapni aytgan bo‘lardim. Masalan, ayrim hakamlar o‘yin beradi, ayrimlari esa o‘yinni to‘xtatib qo‘yishlari mumkin. Lekin ba’zida shuni ham hisobga olgan holda joylashishimizni, harakatimizni tezlashtirishimiz lozim. Vaqt masalasida ham aytmoqchimanki, o‘tgan turdagi o‘yinga nisbatan bugun faol o‘yin vaqti ko‘p bo‘ldi. Diyor Xolmatov va Abdurauf Bo‘riyevni ma’lum muddatga yo‘qotdik, desak ham bo‘ladi.
- “Paxtakor” total ustunlikda o‘ynadi. Jamoa bo‘lajak o‘yinlarda yana qanday taktikalarda to‘p suradi?
- Biz har doim bir xil o‘ynaymiz. Bo‘sh zonalarni qidirishga harakat qilamiz. Raqib o‘yinidan kelib chiqiladi va shunga qarab o‘zgartirishga harakat qilamiz. Raqibni qanday o‘yin ko‘rsatishini ko‘rib chiqamiz. Shundan kelib chiqib, o‘z o‘yinimizni qurishga harakat qilamiz. Bugun o‘yinni taktik holatlarga aloqasi yo‘q, futbolchilarni o‘zida xohish kuchli bo‘lganligi, jamoani ichida bir-biriga hurmat yuqoriligi uchun fantastik o‘yin ko‘rsatishdi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
