UEFA prezidentidan keskin tanqid: «Italiya futboli infratuzilmasi haqiqiy sharmandalik!»

Yevropa futbol assotsiatsiyalari ittifoqi (UEFA) prezidenti Aleksander Cheferin Italiyadagi futbol infratuzilmasining achinarli ahvolini tanqid qilib, keskin fikrlar bildirdi. U o‘z intervyusida mamlakatning eng yirik shaharlari va klublarida stadionlar hamda boshqa futbol infratuzilmalari yangilanmagani sababli noroziligini yashirmadi.

Masalan, Milanda joylashgan mashhur "San-Siro" stadioni yaqinda Yevropa Chempionlar ligasi finaliga mezbonlik qilish huquqidan ayrildi. Bunga asosiy sabab – mazkur stadionning jahon standartlariga javob bermasligi bo‘ldi. Milan shahridagi yangi stadion qurilishi yuzasidan esa ancha yillardan beri bahslar va munozaralar ketmoqda, ammo amalda hech qanday o‘zgarish bo‘lmayapti.

Cheferinning fikricha, bu vaziyat Italiyadek buyuk futbol tarixi va an’analariga ega bo‘lgan mamlakat uchun haqiqiy sharmandalikdir.

«Men Italiya futboli infratuzilmasining bu darajadagi achinarli ahvolidan jiddiy xavotirdaman. Italiya – jahon futbolida o‘ziga xos o‘rniga ega bo‘lgan kuchli mamlakatlardan biri. Sizlar ko‘p marta jahon chempionati, Yevropa chempionati, Chempionlar ligasi kabi nufuzli musobaqalarda g‘olib chiqgansizlar. Biroq stadionlaringiz va boshqa futbol infratuzilmangiz Yevropa mamlakatlari ichida eng achinarli holda qolmoqda. Bu juda g‘alati va achinarli holat», – deydi Aleksander Cheferin.

UYEFA rahbari o‘z so‘zida Italiyada futbol infratuzilmasi haqida munozaralardan charchaganini, faqat va’dalar va gaplardan iborat muhokamalarni emas, balki aniq va tezkor amaliy harakatlar ko‘rishni istashini ta’kidladi.

«Rostini aytsam, men bu haqdagi bitmas-tuganmas munozaralardan charchadim. Italiyada infratuzilmani yaxshilash haqida faqat va’da va gaplargina eshitiladi, lekin amalda biror narsa o‘zgarmayapti. Mana shu holat men uchun eng achinarli. Futbol klublariga hukumat, shahar hokimliklari va xususiy investorlarning jiddiy yordami zarur. Hozirgi sharoitni o‘zgartirish vaqti keldi, vaziyat juda achinarli», – deya izohladi Cheferin.

Ma’lumot o‘rnida aytish joizki, Milan shahridan tashqari, Italiyaning Turin, Neapol, Rim kabi yirik shaharlaridagi stadionlar ham jahon standartlariga to‘liq javob bermaydi va tezkor rekonstruksiyaga muhtoj. Mazkur stadionlarning ko‘pi o‘tgan asrda qurilgan bo‘lib, hozirgi zamonaviy talablarga umuman to‘g‘ri kelmaydi.

Aleksander Cheferinning bu tanqidlari Italiyada katta muhokamalarga sabab bo‘lishi kutilmoqda. Ayniqsa, mamlakat hukumati va mahalliy hokimliklarning qanday javob choralari ko‘rishi bugun ko‘pchilik uchun qiziq bo‘lmoqda.

UEFA rahbarining fikrlari mamlakat futbol ishqibozlari va klub rahbariyati uchun jiddiy qo‘ng‘iroq bo‘lib, tezda amaldagi ishlar boshlanmasa, Italiya futboli obro‘siga katta zarar yetkazishi mumkin. Chunki bugungi kunda stadion va infratuzilmalar nafaqat futbol klublari uchun, balki butun mamlakat imiji uchun muhim ahamiyatga ega. “Zamin”ni Telegramʻda oʻqing!