"Manchester Siti"ning "Sautgempton"ga qarshi tarkibi e’lon qilindi

Bugun Angliya Premer-ligasining 36-turidan o‘rin olgan bahsda "Manchester Siti" safarda turnir jadvali autsayderi "Sautgempton" mehmoni bo‘ladi. Bellashuv boshlanishiga sanoqli daqiqalar qoldi, "shaharliklar" bosh murabbiyi Xosep Gvardiola esa jamoaning asosiy tarkibini e’lon qildi.

Hozirda turnir jadvalida 64 ochko bilan uchinchi pog‘onada borayotgan "Manchester Siti" uchun bu bahs Chempionlar ligasiga chiqish yo‘lidagi muhim bellashuvlardan biri sanaladi. O‘z navbatida, mezbonlar — "Sautgempton" jamoasi bu mavsumda atigi 11 ochko to‘plab, turnir jadvalining eng oxirida bormoqda.

Gvardiola bugungi o‘yinga quyidagi futbolchilarga ishonch bildirdi:
Darvozabon: Ederson (31);
Himoyachilar: Riko Lyuis (82), Manuel Akanji (25), Ruben Diash (3), Yoshko Gvardiol (24);
Yarim himoyachilar: Mateo Kovachich (8), Kevin De Bryuyne (17, jamoa sardori), Bernardo Silva (20), Jeyms Makati (87);
Hujumchilar: Fil Foden (47), Erling Holand (9).

Zaxirada: Ortega Moreno, Marmush, Jek Grilish, Jeremi Doku, Niko, Ilkay Gyundogan, Savino, Mateus Nunes va O'Rayli.

O‘zbekiston milliy terma jamoasi markaziy himoyachisi Abduqodir Husanov esa yana bir marta asosiy tarkibga kiritilmadi va ushbu bellashuvni zaxirada o‘tkazadigan bo‘ldi. O‘zbek muxlislari orasida iste’dodli futbolchining asosiy tarkibda ko‘proq imkoniyat olishiga umid bildiruvchilar ko‘p.

"Sautgempton" – "Manchester Siti" bellashuvi tez orada start oladi. Bu muhim bahsda "shaharliklar" g‘alaba qozonib, mavsum yakuniga yaqinlashayotgan bir paytda muhim ochkolarni qo‘lga kiritish uchun harakat qilishadi. Abduqodir Husanov esa murabbiyning qarorini o‘zgartiradigan darajada taassurot qoldirishi uchun kelgusi o‘yinlarda o‘z imkoniyatini kutadi. “Zamin”ni Telegramʻda oʻqing!