Laporta: Lamin Yamal “Barsa” bilan shartnomani uzaytirish arafasida

Kataloniyaning mashhur klubi “Barselona” rahbari Joan Laporta vinger Lamin Yamalning kelajagi bo‘yicha muxlislarni qiziqayotgan savollarga javob berdi. Uning ta’kidlashicha, yosh iste’dod egasi bilan shartnomani uzaytirish borasida muzokaralar yakuniy bosqichga kirgan.

“U jamoamizning ajralmas qismi”

Prezident Laporta Yamalni jamoaning kelajagi uchun muhim o‘yinchi sifatida ta’rifladi:

“Lamin Yamal — juda iqtidorli futbolchi. U nafaqat noyob individual mahoratga ega, balki jamoaviy o‘yinni ham his qiluvchi va jamoa ruhiyatiga moslashgan o‘yinchi. U o‘zini "Barselona"da erkin va baxtli his qiladi.”

Shartnoma 2030 yilgacha uzaytiriladi

Laportaning ta’kidlashicha, Yamalning agenti — futbol dunyosidagi taniqli va professional mutaxassis Jorje Mendesh bilan kelishuv oson kechgan:

“Jorje Mendesh bilan ishlash juda qulay. U professional, ikki tomon uchun ham maqbul kelishuvga oson erishdik. Shartnomani uzaytirish masalasida barcha shartlar kelishilgan — endi faqat rasmiy imzolash qoldi.”

Avvalroq insayderlar tomonidan tarqatilgan ma’lumotlarga ko‘ra, Lamin Yamal 2030 yilgacha mo‘ljallangan shartnomaga imzo chekishga tayyorligini bildirgan.

Zamin.uz tahririyatidan:
“Barselona” o‘z yosh iqtidorlarini saqlab qolishga katta e’tibor qaratayotgani bilan yanada kuchli kelajak qurish niyatida ekaniga ishora qilmoqda. Lamin Yamalning shartnomasi uzaysa, bu nafaqat muxlislar, balki jamoa uchun ham katta yutuq bo‘ladi. Siz uning “Barsa”dagi kelajagini qanday tasavvur qilasiz? “Zamin”ni Telegramʻda oʻqing!