Ronaldo: “Anchelotti terma jamoani qayta tiklay oladi”

Braziliya futbolining tirik afsonalaridan biri — Ronaldo “Real” va “Inter”dagi sobiq hamyurtlari Karlo Anchelottini Braziliya terma jamoasi bosh murabbiyi sifatida ko‘rishdan mamnun ekanini bildirdi. Uning ta’kidlashicha, bu tayinlov milliy jamoa uchun yangi umidlar eshigini ochishi mumkin.

“Bu fantastik qaror! Anchelotti — o‘z sohasining yetuk ustasi. Bizda ko‘plab muammolar bor, jamoa aniq yo‘nalishsiz harakat qilyapti. Ammo endi murabbiy borasida muammoga nuqta qo‘ydik. Braziliya ko‘p yillardan beri jahon chempionatida g‘alaba qozona olmayapti. Buni o‘zgartirish uchun kuchli rahbarlik kerak, Anchelotti esa aynan shunday shaxs. U butun tizimni qayta tashkil qilish salohiyatiga ega,” — deya Ronaldoning so‘zlarini keltirmoqda mahalliy OAV.

Shuningdek, u terma jamoaning hozirgi holatiga nisbatan tanqidiy qarab, real vaziyatni ham inkor etmadi: “Biz hozirgi paytda o‘zimizga xos o‘yin uslubimiz va ishonchimizdan yiroqdamiz. Lekin men ishonaman — Anchelotti buni iziga soladi.”

Hozirgi paytda Braziliya terma jamoasi Jahon chempionati—2026 saralash bosqichida 14 turdan so‘ng 21 ochko to‘plab, 4-o‘rinni egallab turibdi. Bu natija mamlakat futbol jamoasiga nisbatan odatdagidan ancha past ko‘rsatkich hisoblanadi.

Zamin.uz tahririyati Braziliya terma jamoasidagi o‘zgarishlar va Karlo Anchelottining rahbarligidagi ilk natijalarni diqqat bilan kuzatishda davom etadi. Sizcha, Anchelotti “selesao”ni jahon elitasiga qayta olib chiqa oladimi? “Zamin”ni Telegramʻda oʻqing!