Nunes Saudiya yo‘lida: “Al Hilol”dan qiziqish, “Liverpul”da tugash

“Liverpul” hujumchisi Darvin Nunesning kelajagi yangi transfer mavsumida ko‘plab futbol muxlislari diqqat markazida qolmoqda. Urugvaylik to‘purar katta ehtimol bilan faoliyatini Saudiya Arabistonida davom ettirishi mumkin, deb xabar bermoqda jurnalist Santi Auna.

Ma’lumotlarga qaraganda, Saudiya Arabistoni chempionatining yetakchi jamoalaridan biri — “Al Hilol” klubi Nunesning vakillari bilan aloqaga chiqqan. Hozircha rasmiy taklif taqdim etilmagan bo‘lsa-da, Darvinning o‘zi klubga o‘tishga ochiq ekani ta’kidlanmoqda.

E’tiborlisi shundaki, Nunesga faqat “Al Hilol” emas, balki Yevropaning yana bir yirik klubi — “Atletiko Madrid” ham da’vogarlik qilmoqda. Ispaniya klubi bu futbolchini o‘z safida ko‘rishga qiziqish bildirgan, ammo muzokaralar hozircha jiddiy bosqichga yetmagan.

Darvin Nunes “Liverpul” safidagi oxirgi mavsumda 30 ta uchrashuvda ishtirok etib, 5 ta gol urgan va 2 ta assist bilan jamoaga foyda keltirgan. Ammo ushbu ko‘rsatkichlar katta umidlar bilan olib kelingan hujumchi uchun yetarli emasligi mutaxassislar tomonidan tanqid qilinyapti.

“Al Hilol” esa transfer oynasi ochilishi bilan yana yangi yulduzlarni jamoasiga jalb etishni rejalashtirmoqda. Nunes kabi yosh va tajriba to‘playotgan futbolchining kelishi klubning ham ichki, ham Osiyo miqyosidagi rejalarini yanada kuchaytirishi mumkin.

Nunesning Saudiya Arabistoniga ko‘chib o‘tishi “Liverpul” jamoasi uchun ham katta transformatsiyani anglatishi mumkin. Yurgen Kloppdan keyingi yangi davrda jamoa tarkibidagi o‘zgarishlar ketma-ketligi bu transfer bilan yanada jadallashishi mumkin.

Hozircha barcha ishoralar Nunesning yangi sahifa ochishiga ishora qilmoqda — endi esa barcha ko‘zlar rasmiy e’lonlarga qaratilgan. “Zamin”ni Telegramʻda oʻqing!