“Barselona”ning sport direktori Deku klubning eng asosiy yozgi maqsadlaridan biri – “Atletik” hujumchisi Niko Uilyamsni jamoaga qo‘shish ekanini rasman e’tirof etdi. Kataloniya grandi yangi mavsum arafasida jamoa tarkibini kuchaytirish uchun barcha imkoniyatlarni ishga solmoqda. Dekuning ta’kidlashicha, Nikoning o‘zi ham “Barsa”da to‘p surishni orzu qiladi va ikki tomon muzokaralar olib bormoqda.
— Ha, Niko Uilyams haqiqatan ham “Barselona”ga o‘tmoqchi. Biz esa bu bitimni amalga oshirish uchun harakat qilib ko‘ramiz. Agar barcha shartlar o‘z o‘rnida bo‘lsa, albatta, shartnomani rasmiylashtiramiz, – dedi Deku muxlislar bilan muloqotda.
Jonli va dinamik uslubda harakat qiladigan 21 yoshli hujumchi so‘nggi mavsumda “Atletik”ning asosiy figuralaridan biriga aylandi. U joriy mavsumda barcha musobaqalarda 45 marta maydonga tushib, 11 ta gol va 7 ta assist qayd etdi. Shu bois uning kataloniyaliklar uchun transfer bozoridagi asosiy “o‘ljalar”dan biriga aylangani bejiz emas.
Ma’lumot uchun, Niko Uilyams “Atletik” bilan 2027 yilgacha shartnoma tuzgan bo‘lib, klub rahbariyati uni osonlikcha qo‘yib yuborishni istamaydi. Biroq futbolchining o‘zi “Barsa”da yangi bosqichni boshlashni istaganini yashirmayapti.
Mavsum oldidan “Barselona” yangi hujumchini jamoaga qo‘shib, muxlislarga yangi ruh va intriga ulashishga intilayapti. Agar muzokaralar muvaffaqiyatli yakun topsa, Niko Uilyamsning “Barsa” safidagi debyutini ko‘rish uchun butun futbol jamoatchiligi kutmoqda.
Zamin.uz ushbu transferning rivojini diqqat bilan kuzatib boradi va barcha yangi yangiliklar bilan sizlarni xabardor qilib boradi! “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
