Parijdagi ikki mavsumi davomida Lionel Messining o‘yinlari ko‘plab bahs va munozaralarga sabab bo‘ldi. Afsonaviy argentinalikning "Pari Sen-Jermen"dagi faoliyati haqida so‘z ketganda, uning kamtarona statistikasi emas, maydondagi harakatlari ko‘proq muhokama qilinmoqda.
Bu borada PSJning sobiq futbolchisi, hozirda sport sharhlovchisi sifatida faoliyat olib borayotgan Jerom Roten juda qattiq fikr bildirdi. Uning ta’kidlashicha, Messi PSJda bo‘lib turganida maydonda yurardi, lekin jamoa uchun o‘zini sevganday bag‘ishlamasdi.
“Hamma o‘yinlarini ko‘rganman”
"Men Lionel Messining “Park de Prens”dagi deyarli barcha uchrashuvlarini ko‘rganman. Birortasini o‘tkazib yubormaganman. Uning harakatini, yoki aniqrog‘i, harakatsizligini ko‘rib ko‘nglim qolgan. U piyoda yurardi. Maydonda to‘p unga kelgunicha jonsizday turardi", – deydi Roten.
“Chiroqlar yonadi, ammo jon bermaydi”
"Albatta, to‘p ostiga kelganda, u dunyodagi eng daho futbolchiga aylanardi. Bu haqda shubha yo‘q. Lekin PSJ uchun jonini fido qilmadi. U jamoa uchun yuragi bilan kurashmadi. Hamma buni ko‘rdi, faqat ba’zilar bundan ko‘z yumishdi", – deya ta’kidlaydi sobiq yarim himoyachi.
“Sukunat saqlaganlar erkak emas”
Eng qattiq bayonot esa so‘nggi satrda keldi: "Bu haqida gapirishga qo‘rqqanlar, uni oqlashga uringanlar — erkak emaslar. Kimki haqiqatni yashirsa, o‘zida yetarlicha jasorat yo‘q", – deya keskin tanqid qildi Roten.
Eslatma sifatida: Messi PSJ safida 2021–2023 yillarda to‘p surdi. Bu davrda u Liga 1 chempionligini qo‘lga kiritgan bo‘lsa-da, jamoa bilan asosiy maqsad — Chempionlar ligasida muvaffaqiyat qozona olmadi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
