O‘zbekiston Superligasida yozgi transfer oynasi qizg‘in pallaga kirdi. Ayniqsa, Namanganning “Navbahor” klubi faol harakatlar bilan ko‘zga tashlanmoqda. "Championat.asia" nashrining yozishicha, “lochinlar” tez orada ikki braziliyalik futbolchi bilan shartnoma imzolashga yaqin turibdi.
Gap markaziy himoyachi — 28 yoshli Xulio Sezar hamda universal hujumkor futbolchi — 26 yoshli Demetrius haqida ketmoqda. Demetrius hujumchi va vinger sifatida faoliyat yuritadi, bu esa “Navbahor”ning o‘yin uslubini yanada dinamik qilishga xizmat qilishi mumkin.
Ma’lumotlarga ko‘ra, Xulio Sezarning so‘nggi klubi Tailandning “Utay Tani” jamoasi bo‘lib, u o‘tgan mavsumda 26 uchrashuvda maydonga tushib, 1 gol muallifiga aylangan. Uning to‘g‘ri pozitsiya tanlashi va havodagi kurashlardagi muvaffaqiyatlari e’tiborga loyiq.
Demetrius esa Gretsiyaning “Kallitea” klubida so‘nggi ikki yilda 121 ta o‘yinda ishtirok etib, 13 ta gol va 14 ta assist bilan jamoaga jiddiy hissa qo‘shgan. Uning tezligi va dribling qobiliyati “Navbahor” hujumlariga yangi nafas olib kirishi mumkin.
Ayni paytda jamoa legionerlar soni bo‘yicha chegarada turibdi. Ammo tez orada himoyachi Sergey Karpovich jamoani tark etishi kutilmoqda. Bu esa klubga ikki yangi legionerni ro‘yxatdan o‘tkazish imkonini beradi.
Futbol ishqibozlari endi “Navbahor”ning bu yangi transferlaridan nimalar kutsa bo‘ladi, degan savolga javob izlashmoqda.
Siz nima deb o‘ylaysiz: yangi braziliyaliklar Namanganda o‘zini ko‘rsata oladimi? “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
