Yevropa futboli bozorida kelajakdagi katta transferlar uchun hozirdan qiziqish uyg‘otgan yangiliklardan biri – Transfermarkt portali 2026 yilning 30 iyun kuni klublari bilan amaldagi shartnomasi yakunlanadigan mashhur futbolchilardan ramziy terma jamoa shakllantirgani bo‘ldi.
Bu ramziy jamoada har bir pozitsiya uchun hozirgi kunning eng qimmatbaho va yuqori baholangan futbolchilari o‘rin oldi. Ularning barchasi uchun yangi mavsumda transfer mavzusi yanada dolzarb bo‘lishi kutilmoqda, chunki amaldagi shartnomalarida atigi bir yil qolgan.
Tarkibga e’tibor qarating:
- Darvozada: Janluiji Donnarumma (PSJ — € 40 mln)
- Himoyada: Ibrohim Konate (“Liverpul” — € 60 mln), Deotshankyul Yupamekano (“Bavariya” — € 50 mln), Mark Gexi (“Kristal Pelas” — € 45 mln)
- Yarim himoyada: Frenki de Yong (“Barselona” — € 45 mln), Rodrigo Bentankur (“Tottenxem” — € 30 mln), Yulian Brandt (“Borussiya Dortmund” — € 25 mln), Bernardu Silva (“Manchester Siti” — € 38 mln)
- Hujumda: Jeydon Sancho (“Manchester Yunayted” — € 28 mln), Dushan Vlaxovich (“Yuventus” — € 35 mln), Yoan Vissa (“Bretford” — € 32 mln)
Jamoa bosh murabbiyi sifatida esa “Kristal Pelas” klubi ustozi Oliver Glasner tanlangan.
FIFA qoidalariga muvofiq, futbolchi klub bilan amaldagi shartnomasining so‘nggi olti oyiga kirganda, boshqa jamoalar bilan erkin muzokara olib borish huquqiga ega bo‘ladi. Bu esa yaqin yillarda transfer bozorida jiddiy o‘zgarish va yulduzlar migratsiyasi uchun yangi imkoniyatlar eshigini ochadi.
Kelgusi mavsumda aynan shu yulduzlardan qaysi biri klubini o‘zgartirishi va qaysi futbolchi transfer olamidagi eng katta voqealar markaziga aylanishi katta qiziqish uyg‘otmoqda. Muxlislar esa bu jarayonlarni intiqlik bilan kuzatishda davom etadi.
