«Barselona» bosh mutaxassisi Hansi Flik Germaniyaning nufuzli «Sport Bild» nashri tomonidan «Yil murabbiyi» deb tan olindi. Mukofot topshirish marosimi Hamburg shahridagi tarixiy Fischauktionshalle majmuasida, 600 nafarga yaqin mexmon ishtirokida o‘tkazildi — futbol dunyosi va ommaviy axborot vositalari e’tibori markazidagi kecha bo‘ldi.
Flik Ispaniyadan onlayn tarzda marosimga ulanib, qisqa, ammo mazmunli nutq so‘zladi. U birinchi navbatda bosh murabbiylik mas’uliyati haqida to‘xtalib, shunday dedi: «Bosh murabbiy sifatida har doim peshqadam qatorda turasan: ba’zan tanqid eshitasan, ba’zan esa maqtov. Men o‘z ish uslubimga ishonaman, biroq yuqori pog‘onada barqaror natijaga erishish uchun yoningda kuchli murabbiylar shtabi bo‘lishi shart. “Barselona”da men aynan shunday jamoaga egaman. Ularning har biridan minnatdorman — ular bilan ishlash men uchun haqiqiy zavq».
Ma’lumot uchun, Hansi Flik «Barselona»dagi ilk mavsumining o‘zida ichki «tripl»ni qamrab oldi: La Liga, Ispaniya Kubogi va Superkubokni qo‘lga kiritib, klub strategiyasi va shtab ishining samarasini amalda isbotladi. Mavsum davomida jamoaning intizomi, o‘yindan oldingi tayyorgarlik detallari va maydondagi pozitsion yechimlar Flik uslubini yaqqol namoyon etdi — «yil murabbiyi» unvoni ham shu mehnatga berilgan munosib bahodir.
Zaldagi issiq qarsaklar va onlayn tabriklar orasida u yana bir bor jamoasiga e’tibor qaratdi: muvaffaqiyatni sheriklar bilan bo‘lishish, shtab va futbolchilar mehnatini e’tirof etish — Flikning shaxsiy shioriga aylangan. Endilikda «Barsa» oldida yangi maqsadlar, yangi sinovlar — ammo «yil murabbiyi» deb topilgan mutaxassisning ayni ruhi va jamoaviy energiyasi bu yo‘lda asosiy tayanch bo‘lib qoladi.
