date

«Man Siti» sport direktori: Oldimizda juda ko‘p sinovli o‘yinlar turibdi

«Man Siti» sport direktori: Oldimizda juda ko‘p sinovli o‘yinlar turibdi

Yevropa futbolida eng katta qiziqish uyg‘otadigan musobaqalardan biri – Chempionlar ligasi guruh bosqichiga qur’a tashlash marosimi yakunlandi va unda «Manchester Siti»ning raqiblari ham ma’lum bo‘ldi.
Klubning sport direktori Ugu Viana qur’a natijalari yuzasidan o‘z fikrlari bilan o‘rtoqlashdi. Uning ta’kidlashicha, jamoani kutgan bahslar nafaqat qiziqarli, balki jiddiy sinovli ham bo‘ladi:
— Ko‘plab diqqatga sazovor va jozibali o‘yinlar bo‘ladi. Biz uchun ijobiy jihati shundaki, uzoq safarlarga chiqishdan omadimiz kelib qutuldik. Bu esa taqvimdagi zich bahslar fonida juda katta ahamiyat kasb etadi. Sentyabrdan boshlab o‘tadigan o‘yinlar soni ko‘p va bu albatta jiddiy sinov bo‘ladi, — dedi portugaliyalik mutaxassis «City Report» nashriga bergan intervyusida.
Xosep Gvardiola boshchiligidagi «shaharliklar» guruh bosqichida «Real», «Borussiya Dortmund», «Bayer», «Vilyarreal», «Napoli», «Bude-Glimt», «Galatasaroy» hamda «Monako» kabi kuchli jamoalarga qarshi maydonga tushadi.
Eslatib o‘tamiz, Chempionlar ligasining o‘tgan mavsumida «Manchester Siti» pley-offning dastlabki bosqichidayoq «Real Madrid»ga mag‘lubiyatga uchragan edi.
Shu bois bu yilgi bahslar klub uchun o‘ziga xos revansh va o‘tmish xatolarini takrorlamaslik imkoniyati sifatida qaralmoqda. Muxlislar esa sevimli jamoasining Yevropa sahnasida qanday natijalar ko‘rsatishini katta qiziqish bilan kutmoqda.
Ctrl
Enter
Xato topdIngizmi
Iborani ajratib Ctrl+Enter tugmasini bosing
Yangiliklar » Sport » «Man Siti» sport direktori: Oldimizda juda ko‘p sinovli o‘yinlar turibdi