2025/2026 yilgi mavsum uchun Konferensiyalar Ligasining asosiy bosqichiga qur’a tashlash marosimi o‘z yakuniga yetdi.
Bugun, 29 avgust kuni Monako shahrida ushbu nufuzli musobaqaning asosiy bosqichiga qur’a tashlash marosimi o‘tkazildi. Unda barcha 4 savatchadan joy olgan klublar ma’lum qilindi va endi muxlislar jamoalar o‘rtasidagi qizg‘in to‘qnashuvlarni intiqlik bilan kutmoqda.
Birinchi tur bahslari 24 sentyabr kuni o‘tkazilishi belgilandi. Bu sana Konferensiyalar Ligasi uchun yangi mavsumning rasmiy start kuni sifatida tarixga kirishi kutilmoqda.
Eslatib o‘tamiz, Konferensiyalar Ligasining amaldagi g‘olibi — Angliyaning «Chelsi» klubi hisoblanadi. Londonliklar finalda Ispaniyaning «Betis» jamoasini yirik 4:1 hisobi bilan mag‘lub etib, kubokni qo‘lga kiritgan edi.
Joriy mavsumning hal qiluvchi final uchrashuvi esa 2026 yilning 27 may kuni Germaniyaning Leypsig shahrida joylashgan «Red Bull Arena»da bo‘lib o‘tadi.
Turnir qoidalariga ko‘ra, har bir klub 6 ta bahsda maydonga tushadi: 3 ta o‘yin uy maydonida, qolgan 3 tasi esa safarda o‘tkaziladi.
Muttaxassislar ta’kidlashicha, Konferensiyalar Ligasi bu mavsumda ham ko‘plab kutilmagan natijalar va sensatsiyalarga boy bo‘ladi. Yevropa maydonlarida yangi yulduzlar ochilishi va muxlislarga zavq bag‘ishlaydigan bahslardan umid katta.
