Krishtianu Ronaldu Chempionlar ligasi qur’asi marosimida ham e’tiborni o‘ziga qaratdi. Futbol yulduzi qiymati 7 million yevrodan (705 million rubl) oshiq bo‘lgan qimmatbaho zargarlik buyumlari bilan chiqish qildi, deb yozdi Peopletalk.
Xabarga ko‘ra, Ronaldu taqqan eng diqqatga sazovor buyum — 33 karatli olmos bilan bezatilgan brosh bo‘lib, uning bahosi 3,8 million funt sterlingni (taxminan 456 million rubl) tashkil etadi. Ushbu noyob buyum Messika Akh-Ba-Ka brendiga tegishli.
Shuningdek, futbolchining qo‘lidagi soat 2,2 million funt sterlingga (240 million rubl) baholangan bo‘lsa, qulog‘idagi sirg‘a esa 6500 funt sterling (779 ming rubl) turadi.
Ronaldu nafaqat sportdagi yutuqlari, balki hashamat va uslubdagi didi bilan ham muxlislar e’tiborida qolmoqda.
“Zamin”ni Telegramʻda oʻqing!
