«Nyukasl» hujumchisi Aleksandr Isak faoliyatini «Liverpul»da davom ettiradi — tomonlar kelishuvga kelgani haqida Fabrizio Romano xabar berdi. Manbaga ko‘ra, transfer narxi 130 million funt (ya’ni taxminan 150 million yevro)ga teng bo‘ladi va ushbu bitim APL tarixidagi eng qimmat transfer sifatida qayd etiladi.
Futbolchining o‘zi esa Premyer-liganing amaldagi chempioni bilan 5 yillik shartnoma imzolaydi. Shu tariqa, Isak «Enfild»da yangi sahifa ochishi, «qizillar» hujum chizig‘iga yana bir yuqori saviyadagi variant qo‘shilishi kutilmoqda.
Ma’lumot uchun, Isak «Nyukasl» safida 2022 yildan beri harakat qilib keladi: jamoa tarkibida 109 ta uchrashuvda maydonga tushib, 62 ta gol urdi va yana 11 ta golga assist bo‘ldi. Qisqasi, «Liverpul» joriy tarkibini natija va universallik ko‘rsatgan snayper bilan mustahkamlamoqda — endilikda barcha nazarlar rasmiy e’lon va debyut sanasiga qaratildi.
“Zamin”ni Telegramʻda oʻqing!
