“Manchester Siti” klubi yana bir bor kelajakka yo‘naltirilgan qadam tashladi. Jamoa ikki nafar yosh va umidli futbolchi bilan shartnoma imzolaganini insayder Fabritsio Romano o‘z ijtimoiy tarmoqdagi sahifasida ma’lum qildi.
Ma’lumotlarga ko‘ra, manchesterliklar “Tottenxem” tarbiyalanuvchisi Dekster Oliver va “Aston Villa”ning yosh iqtidori Freddi Lorini o‘z safiga qo‘shdi. Bu transferlar klubning yoshlar tizimini yanada mustahkamlash va kelajakda asosiy jamoaga munosib kadrlar tayyorlash yo‘lidagi navbatdagi qadami sifatida baholanmoqda.
Dekster Oliver markaziy yarim himoyachi va hujumkor futbolchi sifatida harakat qila oladi. Muttaxassislar uning texnik mahoratini yuqori baholashmoqda va kelajakda katta futbolda muhim o‘rin egallashi mumkinligini ta’kidlashmoqda.
Freddi Lori esa markaziy himoyachi sifatida nom qozongan bo‘lib, zarurat tug‘ilganda yarim himoyada ham ishonchli o‘ynay oladi. Bu esa uni universal o‘yinchi sifatida yanada qimmatli qiladi.
“Manchester Siti”ning yoshlar akademiyasi va murabbiylar shtabi bu ikki iqtidorli yigitni yaqin yillarda yetuk va tajribali futbolchilarga aylantirish niyatida. Klubning kelajakka qaratilgan bunday transferlari muxlislar orasida ham katta qiziqish uyg‘otishi tabiiy.
Shubhasiz, Dekster Oliver va Freddi Lori ismlari yaqin yillarda “Etixad”da yorqin harakatlari bilan tilga olinishi mumkin.
“Zamin”ni Telegramʻda oʻqing!
