Rossiyalik milliarder va tadbirkor Alisher Usmonov Moskvaning «Dinamo» jamoasiga yangi homiy bo‘lishi mumkin. Bu haqda «Dinamo» Butunrossiya jismoniy tarbiya va sport jamiyati raisi Vladimir Strjalkovskiy ma’lumot bergan.
Shu bilan birga u milliarderning o‘zi hali bu borada aniq javob qaytarmaganini aytib o‘tgan.
«Men homiylik masalasida Usmonovning vakili bilan uchrashdim. Hozircha javob yo‘q», — degan u.
Usmonovning sport sohasi bilan ko‘p yillik aloqalari bor. U Rossiya va Xalqaro qilichbozlik federasiyalari rahbari, shuningdek, Londonning «Arsenal» jamoasi aksiyadori hisoblanadi.
«Dinamo» o‘tgan mavsumda o‘z tarixida ilk marta quyi ligaga tushib ketgandi.
Alisher Usmonov 2015 yilda futbol bo‘yicha Rossiya terma jamoasining bosh homiysiga aylangandi. O‘tgan yil fevralida Usmonov Rossiya futbol ittifoqiga terma jamoa bosh murabbiyi oldidagi maosh bo‘yicha qarzni qoplash uchun 400 million rubl ajratdi. Iyun oyida tadbirkor italiyalik oldidagi moliyaviy majburiyatlarni bajarish uchun tashkilotga yana 300 million rubl taqdim etdi.
Avgust oyida esa Usmonov Rossiya futbol ittifoqiga ajratgan beg‘araz moliyaviy yordamning umumiy miqdori 1 milliard rublga etgani xabar berildi.
Shuningdek, Rossiya prezidenti Vladimir Putin tomonidan shu yili xayr-saxovati uchun mukofotlangan ushbu milliarder 2015 yilda Moskvaning «Dinamo» xokkey klubi qarzlarini to‘lab bergandi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya dunyodagi birinchi vodorod yoqilg‘ili avtomobilni taqdim etdi
Vladimir Putin «Krokus»da sodir etilgan terakt uchun o‘ch olishga chaqirdi
Toshkentda 02 kodli avtoraqamlar taxminan qachon paydo bo‘lishi aytildi
Amerikalik olimlar barcha uchun birdek foydali jismoniy faollik turini aniqladi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi