Krishtianu Ronalduning o‘g‘li — Krishtianu Junior ilk bor Portugaliyaning 16 yoshgacha bo‘lgan milliy terma jamoasi safidan o‘rin oldi. U hozirda otasi kabi Saudiya Arabistonining «An Nasr» klubi tizimida to‘p surmoqda.
15 yoshli yosh iqtidor Antaliyada bo‘lib o‘tadigan Federatsiyalar kubogida maydonga tushishi kutilmoqda. Portugaliya U-16 jamoasi mazkur musobaqada Turkiya, Angliya va Uels terma jamoalariga qarshi o‘yin o‘tkazadi.
Avvalroq Ronaldu Junior Portugaliyaning U-15 jamoasiga chaqirilgan va may oyida Xorvatiyaga qarshi o‘rtoqlik uchrashuvida debyut golini kiritgan edi. Bu natija yosh futbolchining rivojlanishi va kelajakda otasi izidan borish ehtimolini yanada kuchaytirmoqda.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
