“Valensiya”, “Braga” va “Sporting” Safonovni ijaraga olmoqchi

Matvey Safonov joriy mavsumda hali birorta o‘yinda maydonga tushgani yo‘q. Qishki transfer oynasida rossiyalik darvozabon PSJ klubidan ketishi va ko‘proq o‘yin amaliyoti bo‘lgan jamoaga o‘tishi mumkin.

Euro-football.ru yozishicha, Safonovni uchta yevropalik klub o‘z tarkibiga qo‘shishni istamoqda. Ushbu klublar orasida Ispaniyaning “Valensiya”, Portugaliyaning “Braga” va Lissabonning “Sporting” jamoalari bor.

PSJ 26 yoshli Safonovni ijaraga berishga tayyorligini bildirgan. Yozda PSJ safini italiyalik darvozabon Janluiji Donnarumma tark etdi.

Shundan so‘ng, Matvey Safonov klubda ikkinchi darvozabon bo‘lib qoldi, chunki jamoaga Lyuka Shevalye qo‘shildi. Kelasi seshanba kuni PSJ Chempionlar ligasi doirasida safarda “Bayer”ga qarshi o‘yin o‘tkazadi.

Mazkur bahsda ham Safonovning maydonga tushishi kutilmayapti. “Zamin”ni Telegramʻda oʻqing!