Italiya chempionatining toʻqqizinchi turida "Komo" oʻz maydonida "Verona"ni qabul qildi va yakunda muhim gʻalabani qoʻlga kiritdi. Uchrashuv juda qiziqarli tarzda boshlandi.
Beshinchi daqiqada Nikolay Pas jarima zarbasidan toʻpni ustunga urdi. Oradan koʻp oʻtmay, "Verona" darvozasi tomon bir nechta zarbalarni himoyachilar bartaraf etishdi, ammo Anastasis Duvikas bosh bilan zarba berib, hisobni ochdi - 1:0.
Birinchi boʻlim oʻrtalarida "Komo" darvozaboni xatoga yoʻl qoʻyib, toʻpni Serdar Suatga topshirdi, u esa darvozani aniq moʻljalladi - 1:1. Keyinchalik Pasning uzatmasidan soʻng Duvikas yana bir imkoniyatga ega boʻldi, lekin aniq zarba bera olmadi.
Yana bir hujumda "Verona" darvozaboni ajoyib oʻyin koʻrsatdi. Ikkinchi boʻlimning 62-daqiqasida Maksans Kakere uzatmasidan keyin Stefan Posh havoda yaxshi oʻynab, "Komo"ni oldinga olib chiqdi - 2:1.
Oxirgi 90-daqiqada Mergim Voyvoda qarshi hujumda gol urib, uchrashuvga yakun yasadi - 3:1. Shu tariqa, "Komo" 16 ochko bilan turnir jadvalining toʻrtinchi pogʻonasiga koʻtarildi.
"Verona" esa oxiridan toʻrtinchi oʻrinda qoldi.
