Parij klubi bosh murabbiyi Luis Enrike Chempionlar ligasi 4-turida “Bavariya”ga qarshi kechadigan muhim bahs oldidan jamoa yetakchisi Usmon Dembelening holati haqida to‘xtalib o‘tdi. Enrike ta’kidlashicha, fransuz vingeri so‘nggi mashg‘ulotlarda yaxshi kayfiyatda bo‘lib, jismoniy jihatdan ham yaxshi tayyorgarlikka ega.
“Uning holati juda yaxshi. Dembele mashg‘ulotlarda katta ishtiyoq bilan mehnat qilmoqda. U so‘nggi o‘yinlarda jamoaga katta foyda keltirdi va biz uning salohiyatiga ishonamiz. Albatta, u “Bavariya”ga qarshi bahsda maydonga tushadi. Faqat necha daqiqa o‘ynashi haqida qarorni o‘yin arafasida qabul qilamiz”, — dedi Luis Enrike jurnalistlar savollariga javob berar ekan.
PSJ uchun ushbu bellashuv muhim ahamiyatga ega, chunki guruhdagi vaziyat keskin va har bir ochko hal qiluvchi bo‘lishi mumkin. Parijliklar o‘z maydonida g‘alaba qozonish orqali muxlislarini xursand qilish niyatida.
Usmon Dembele esa bu mavsumda jamoaning asosiy hujum qurollaridan biriga aylandi. Uning tezligi, to‘p bilan ishlashi va raqib darvozasiga xavfli hujumlar uyushtirish qobiliyati Parij jamoasi uchun muhim omil hisoblanadi.
“Bavariya”ga qarshi to‘qnashuv nafaqat guruh taqdiri, balki har ikki jamoa nufuzi uchun ham katta ahamiyat kasb etadi. Muxlislar esa bu kechani katta qiziqish bilan kutishmoqda.
Ma’lumot uchun, “PSJ” – “Bavariya” o‘yini 5-noyabr kuni, Toshkent vaqti bilan tungi soat 01:00 da boshlanadi. Chempionlar ligasidagi ushbu to‘qnashuv Yevropadagi haftaning eng kutilgan uchrashuvlaridan biri bo‘lishi shubhasiz.
“Zamin”ni Telegramʻda oʻqing!
