Provod: Jamoa bilan faxrlanaman

Slaviya klubi yarim himoyachisi Lukash Provod Chempionlar ligasida Arsenalga qarshi 0:3 hisobida mag'lubiyatdan so'ng o'z fikrlarini bildirdi. "Biz o'yin juda qiyin bo'lishini bilardik, ammo boshlanish yomon emasdi.

Himoyada yaxshi o'ynadik, lekin Arsenalning birinchi golidan keyin ularga osonroq bo'ldi. Ikkinchi bo'limda yanada hujumkor va tajovuzkor o'yin ko'rsatmoqchi bo'ldik, lekin, albatta, Arsenal juda kuchli jamoa.

Ular har haftada, har uchrashuvda yuqori darajada o'ynashlarini namoyish etishadi. Ammo menimcha, biz bor kuchimizni berdik.

Jamoam bilan faxrlanaman, chunki ko'pchilik uchun bu Chempionlar ligasidagi ilk o'yin edi. Bu ular uchun foydali tajriba bo'ldi," - dedi Provod UEFA matbuot xizmatiga.

Slaviya jamoasi Chempionlar ligasining to'rt turida ikki ochko to'pladi. “Zamin”ni Telegramʻda oʻqing!