Real Madrid darvozaboni Kurtua jarohat oldi

Madridning "Real" klubi rasmiy sayti orqali darvozabon Tibo Kurtuaning jarohati haqida bayonot berdi. 33 yoshli belgiyalik futbolchi tibbiy ko'rikdan o'tkazilgan va uning o'ng oyog'ining adduktor mushaklarida jarohat aniqlangan.

Kurtuaning tiklanish muddati hozircha ma'lum qilinmagan. Eslatib o'tamiz, yakshanba kuni "Real" La Liga 11-turida "Rayo Valyekano" bilan durang (0:0) o'ynadi.

Biroq, Kurtua ushbu uchrashuvda to'liq 90 daqiqa maydonda harakat qildi. Xabi Alonsoning jamoasi ayni paytda Ispaniya chempionatida peshqadam bo'lib, "Barselona"ni uch ochkoga ortda qoldirmoqda.

"Real" 23-noyabr kuni safarda "Elche" jamoasiga qarshi navbatdagi uchrashuvini o'tkazadi. “Zamin”ni Telegramʻda oʻqing!