Taniqli sobiq futbolchi Juzeppe Bergomi Milan "Inter"ining qiyinchiliklari haqida o'z fikrini bildirdi. "Neradzurrilar" oxirgi ikki uchrashuvda mag'lubiyatga uchrashdi: avval "Milan"ga qarshi derbida (0:1), so'ngra Chempionlar Ligasi doirasida Madridning "Atletiko" jamoasiga qarshi bahsda (1:2).
"Bu muammo besh yildan beri davom etmoqda – jamoa deyarli o'sha-o'sha. "Inter" yaxshi futbol, yorqin o'yin uslubi bilan xursand qilmoqda, Yevropaning eng yaxshi jamoalari qatoriga kiradi, ammo bir xil muammoga duch kelmoqda.
Futbolchilarga o'yinlarning yakuniy daqiqalarini o'tkazish juda qiyin, ular doim bir xil gollarni o'tkazib yuboradi. Hech narsa o'zgargani yo'q.
"Inter" hali ham g'alaba qozonishga va cho'qqida qolishga qodir, ammo xuddi shu gaplarni ikki-uch yil oldin ham aytganmiz", – dedi Bergomi Sky Sport bilan suhbatda. Yakshanba kuni Kristian Kivu boshchiligidagi jamoa A Seriya doirasida "Piza"ga qarshi safar o'yinida maydonga tushadi.
Mehmon guruhidagi foydalanuvchilar ushbu nashrga izoh qoldira olmaydi.
