O‘zPFL 2025 yilgi Superliga mavsumining eng yorqin va tez o‘sishga erishgan futbolchilari orasida «Yil kashfiyoti» nominatsiyasi uchun da’vogarlar ro‘yxatini yangilab, olti nomzodni e’lon qildi. Qizig‘i, avvalgi ro‘yxatda bo‘lgan «Buxoro» hujumchisi Javohir Ro‘ziyev bu safar nomzodlar orasida qolmadi.
Yaqin o‘tgan mavsumda o‘z o‘yini, samaradorligi va barqarorligi bilan jamoalariga katta hissa qo‘shgan o‘yinchilar quyidagilar:
Abbos G‘ulomov («Navbahor»)
29 uchrashuv, 10ta gol, 2ta assist. 2280 daqiqa maydonda harakat qilgan futbolchi namanganliklarning hujumdagi asosiy qurollaridan biriga aylandi.
Nosirjon Abdusalomov («Bunyodkor»)
21 o‘yinda 3ta gol hamda 6ta golli uzatma. Jami 1247 daqiqa. Yosh ijrochi "qaldirg‘ochlar" uchun muhim hujum ijodkorlaridan biri bo‘ldi.
Muhammadrasul Abdumajidov («Paxtakor»)
22 bahs, 1957 daqiqa va 1 assist. «Sherlar» tarkibida o‘zining diqqatga sazovor barqaror o‘yini bilan tanildi.
Jahongir O‘rozov («Dinamo»)
27 o‘yin, 2430 daqiqa va 1 assist. Samarqandlik futbolchi mavsum davomida himoyada o‘zini ishonchli ko‘rsatdi.
Rustam Turdimurodov («Surxon»)
29 uchrashuv, 7ta gol va 2 assist. Jami 2219 daqiqa. «Surxon»ning eng muhim hujumkor o‘yinchilaridan biriga aylandi.
Nodirbek Abdurazzoqov (OKMK)
29 bahs, 6ta gol, 2 assist va 1880 daqiqa. Yosh hujumkor o‘yinchi o‘zining jadal o‘sishi bilan ko‘pchilikning e’tiborini tortdi.
Mazkur nominatsiyada g‘olib kim bo‘lishi tez orada ma’lum bo‘ladi. Bir narsa aniq — bu futbolchilarning har biri Superliganing yorqin kashfiyotlaridan biriga aylanishga munosib. Mavsum davomidagi mehnat, o‘sish va ta’sir — barchasi ushbu ro‘yxatga kirish uchun muhim omil bo‘ldi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
