Italiya A Seriyasining 13-turi bir vaqtning o‘zida ham intriga, ham shaxsiy mahoratga boy bo‘ldi. Turning ikki markaziy bahsi — «Milan» – «Latsio» va «Yuventus» – «Kalyari» o‘yinlari muxlislarga esda qolarli lahzalarni taqdim etdi.
Leau goli «Milan»ni 1-o‘ringa olib chiqdi
«San-Siro»da o‘tgan «Milan» – «Latsio» bahsi kutilganidek shiddatli tarzda kechdi. Massimiliano Allegri boshqarayotgan «rossonerilar» raqibni bir gol bilan yengib, muhim ochkolarni qo‘lga kiritdi.
Birdan bir urilgan gol 51-daqiqada Rafael Leau tomonidan ijro etildi. Portugaliyalik vinger navbatdagi individual harakati bilan jamoasiga g‘alaba bag‘ishladi.
Natijada «Milan» hisobidagi ochkolar soni 28 taga yetdi va jamoa turnir jadvalida 1-pog‘onaga ko‘tarildi. «Latsio» esa 18 ochko bilan 8-o‘rinni egallab turibdi.
A Seriya. 13-tur
Milan — Latsio 1:0
Gol: Leau 51
Milan — Menyan, Bartesaji, Gabbiya, Leau, Modrich, Nkunku (Richchi, 82), Pavlovich, Rabio, Salemakers, Tomori, Fofana (Loftus-Chik, 65)
Latsio — Provedel, Bashich (Noslin, 85), Vesino (Dele-Bashir-u, 62), Genduzi, Gila, Dia (Kastellanos, 62), Isaksen (Pedro, 70), Marushich, Pellegrini (Tavares, 85), Romanioli, Zakkani.
Ogohlantirishlar: Tomori 26, Gabbia 64 – Pellegrini 57, Romanioli 73
Chetlatish: Massimiliano Allegri 90+7
«Yuventus»da Kenan Yildiz shousi — «Kalyari» mag‘lub etildi
Turning yana bir diqqat markazidagi bellashuvi Turinda kechdi. «Yuventus» o‘z uyida «Kalyari»ni qabul qildi va o‘zining yosh super iste’dodi Kenan Yildizning ilhomli o‘yini hisobiga 2:1 hisobida zafar quchdi.
O‘yinning ilk qismida o‘ziga xos ssenariy bo‘ldi:
26-daqiqada mehmonlar safida Espozito hisobni ochdi, ammo orada bir daqiqa o‘tmasdan Kenan Yildiz javob golini kiritdi. Birinchi bo‘limning qo‘shimcha daqiqalarida Yildiz dublni rasmiylashtirib, «Yuventus»ni oldinga olib chiqdi.
Spaletti shogirdlari ushbu g‘alaba bilan ochkolarini 23 taga yetkazib, jadvalda 7-pog‘onaga ko‘tarildi. «Kalyari» esa 11 ochko bilan 14-o‘rinda qoldi.
A Seriya. 13-tur
Yuventus — Kalyari 2:1
Gollar: Yildiz 27, 45+1 — Espozito 26
Yuventus – Perin, Kalulu, Kelli, Kopmeyners, Makkenni, Lokatelli, Tyuram (Miretti, 70), Kostich (Kambyaso, 46), Konseysau (Kabal, 85), Yildiz (Openda, 85), Vlahovich (Devid, 31)
Kalyari – Kapril, Zappa, Luperto, Obert (Idrissi, 53), Palestra, Folorunsho, Deyola, Adopo, Liteta (Prati, 53), Borrelli, Espozito (Felichi, 69)
Italiya chempionatida kurash yanada qiziydi. «Milan» peshqadamlikni o‘z qo‘liga olgan bir paytda, «Yuve» yosh yulduzlar yordamida kuch to‘plab bormoqda. Muxlislar esa navbatdagi turlarda yana ham shiddatli bahslarni kutib turishibdi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
