Angliya Premer-ligasida Chelsi va Arsenal derbisi kutilganidek qiziqarli va keskin kechdi. Har ikkala jamoa Yevropa Chempionlar Ligasi doirasida Bavariya (3:1) va Barselona (3:0) ustidan g‘alaba qozonganidan so‘ng, Premer-liga o‘yinlariga eʼtibor qaratishlari kerak edi.
O‘yinning birinchi bo‘limi Stamford Brij stadionida taktik kurash va qattiq o‘tgan to‘qnashuvlar bilan yodda qoldi. Birinchi bo‘limda gol kiritilmadi, ammo hakam beshta sariq va bitta qizil kartochka ko‘rsatishga majbur bo‘ldi.
38-daqiqada VAR tizimi yordamida Chelsi futbolchisi Moyses Kaysedo qizil kartochka bilan maydondan chetlatildi. Shunga qaramasdan, Chelsi ikkinchi bo‘lim boshida hisobni ochdi.
Trevo Chaloba burchak to‘pidan keyin boshi bilan chiroyli gol urib, jamoasini oldinga olib chiqdi. Ammo Arsenal 59-daqiqada javob berdi — Bukayo Saka uzatmasidan so‘ng Mikel Merino bosh bilan darvozani ishg‘ol qildi.
O‘yin davomida jamoalar ko‘proq xavfsiz o‘yin namoyish etishdi va yakunda 1:1 hisobida durang qayd etildi. Mazkur natijadan so‘ng, Arsenal 30 ochko bilan turnir jadvalida birinchi o‘rinda qolmoqda.
Chelsi esa 24 ochko bilan uchinchi pog‘onada. Ularning orasida 25 ochkoga ega bo‘lgan Manchester Siti joylashgan.
Mehmon guruhidagi foydalanuvchilar ushbu nashrga izoh qoldira olmaydi.
