“Arsenal” sardori Martin Edegor “Chelsi”ga qarshi o‘yinda (1:1) qayd etilgan durang haqidagi fikrlarini bildirdi. “Ko‘k-anorranglilar” o‘yinning 38-daqiqasida maydonda o‘n futbolchi bilan qoldi.
Shunga qaramay, mehmonlar raqam ustunligidan foydalana olishmadi va bir ochko bilan kifoyalanishdi. “Keskin va kurashlarga boy o‘yin bo‘ldi.
Har ikki jamoa o‘yinni tajovuzkorlik bilan boshladi, ko‘plab to‘qnashuvlar kuzatildi. Albatta, biz raqibdan bir futbolchi kam bo‘lgan holatda g‘alaba qozonishimiz kerak edi.
Ba’zi jihatlarimiz hali ham ishlovni talab qiladi. Ushbu durangni qabul qilishimiz va oldinga qadam tashlashimiz kerak.
Keyingi o‘yinda g‘alaba qozonish uchun barcha imkoniyatlarni ishga solamiz”, – dedi Edegor intervyusida. “Arsenal” 30 ochko bilan Premer-liga turnir jadvalida birinchi o‘rinda bormoqda.
London klubi “Manchester Siti”ni besh, “Chelsi”ni esa olti ochkoga ortda qoldirgan.
Mehmon guruhidagi foydalanuvchilar ushbu nashrga izoh qoldira olmaydi.
