Shotlandiyalik yarim himoyachi Skott MakTominey 2024/25-yilgi A Seriya mavsumining eng yaxshi futbolchisi deb eʼtirof etildi. Bu haqda Sky Sport xabar bermoqda.
"Napoli" futbolchisi ushbu mukofotga chempionat futbolchilari ovoziga ko'ra sazovor bo'ldi. MakTominey o‘tgan mavsumda A Seriyada 34 ta o‘yin o‘tkazib, 12 ta gol urdi va 6 ta golli uzatma amalga oshirdi.
Uning jamoasi "Napoli" bir ochko farq bilan "Inter"ni ortda qoldirib, Italiya chempionligi unvonini qo‘lga kiritdi. Eʼtiborlisi, bu MakTomineyning A Seriyadagi ilk mavsumi edi.
28 yoshli futbolchining "Napoli" bilan tuzgan shartnomasi 2028-yil iyun oyigacha mo‘ljallangan. Transfermarkt maʼlumotlariga ko‘ra, MakTomineyning narxi 50 million yevroni tashkil etadi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
Ma’lumot
Mehmon guruhidagi foydalanuvchilar ushbu nashrga izoh qoldira olmaydi.
Mehmon guruhidagi foydalanuvchilar ushbu nashrga izoh qoldira olmaydi.
