“Verona” “Atalanta”ni magʻlub etdi

Inqirozda boʻlgan “Atalanta” jamoasi shanba kuni A Seriyaning soʻnggi oʻrnida borayotgan “Verona” mehmoni boʻldi. Bergamoliklar toʻpni koʻp nazorat qilishdi, ammo bu ularga natija bermadi.

28-daqiqada mezbonlar hujumining ikkinchi toʻlqinida Rafiq Belgali Daniel Moskeraning uzatmasini aniq yakunlab, hisobni ochdi — 1:0. Oradan sakkiz daqiqa oʻtib, Jovanni toʻpni qaytadan olib, darvozaga yoʻlladi — 2:0.

73-daqiqada qarshi hujum chogʻida Jovanni Antuan Berneduga assistentlik qilib, hisobni 3:0 koʻrinishga olib keldi. Mehmonlar safida omadsiz oʻyin oʻtkazgan Janluka Skamakka oʻyinga intriga qaytarishi mumkin edi, ammo uning zarbasi toʻsinni nishonga oldi.

Shundan soʻng mehmonlarga penalti belgilandi va Skamakka jarima zarbasini aniq amalga oshirdi — 3:1. Shu natija bilan “Verona” endi soʻnggi oʻrinni tark etib, oxirgi oʻrindan bir pogʻona yuqoriga koʻtarildi.

“Atalanta” esa 12-oʻrinda qolmoqda. “Zamin”ni Telegramʻda oʻqing!