Desham: "Bu eng murakkab guruhlardan biri"

Fransiya terma jamoasi bosh murabbiyi Didye Desham Jahon chempionati guruh bosqichlari qur'asidan keyin oʻz fikrlarini bildirdi. Uning shogirdlari I guruhiga tushishdi, bu yerda ular Senegal va Norvegiya terma jamoalari bilan kuch sinashadi.

Uchinchi raqib esa pley-off oʻyinlari (Iroq, Boliviya yoki Surinam) natijalariga koʻra aniqlanadi. "Bu eng murakkab guruhlardan biri, hatto eng murakkabi boʻlishi ham mumkin", - dedi Desham L'Equipe nashriga bergan intervyusida.

Fransiya terma jamoasi murabbiyi 2002-yilgi Jahon chempionatining ochilish oʻyinida Senegalga qarshi oʻyin oʻtkazgan jamoa tarkibiga kirmagan, ammo "Terangi sherlari" yana Fransiyaga qarshi kuchli raqib boʻlishiga ishonadi. "Bu raqobatbardosh jamoa.

Norvegiya haqida esa ularning saralash bosqichidagi ishtirokidan soʻng boshqacha fikr bildirish qiyin. Ular Yevropaning eng yaxshi jamoalaridan biri", - dedi Desham.

"Bizda, albatta, katta ambitsiyalar bor, lekin bu magʻrurlikdan yiroq. Dastlab yaxshi oʻyin koʻrsatishimiz kerak, shundan keyingina keyingi bosqich haqida oʻylashimiz mumkin", - deya qoʻshimcha qildi murabbiy.

Shuningdek, Desham Fransiya oʻziga qulay boʻlgan vaqt zonalarida oʻyin oʻtkazadigan guruhga tushganidan mamnunligini bildirdi. “Zamin”ni Telegramʻda oʻqing!