«Liverpul» atrofida oxirgi kunlarda yuzaga kelgan shov-shuvli vaziyat futbol jamoatchiligining diqqat markazida turibdi. Misrlik superyulduz Muhammad Salohning ketma-ket uch bellashuvda asosiy tarkibda bo‘lmasligi, shundan keyin esa klubning unga bo‘lgan munosabati haqida ochiqcha tanqid bildirishi tabiiy ravishda katta muhokamalarga sabab bo‘ldi. Salohning «Men APL chempioni bo‘ldim, bu avlodda eng ko‘p gol urayapman. Nima uchun bu bunday tugashi kerak?» degan so‘zlari muxlislar orasida ham turlicha fikrlar uyg‘otdi.
Shunday vaziyatda jamoa sardorlaridan biri sanalmish Alisson Bekker media oldiga chiqib, buzilmas birlik haqida muhim bayonot berdi. Uning ta’kidlashicha, bu masala shunchaki bir qarashda ko‘rinadigandan ancha murakkab, biroq «Liverpul» ichki muhitida barcha futbolchilar vaziyatni to‘g‘ri hal etish uchun birgalikda harakat qilmoqda.
«Bu oddiy holat emas, ammo biz jamoa sifatida har bir qiyinchilikni yengishga intilamiz. Men Yevropaga qadam qo‘yganimdan beri Mo bilan birga o‘ynayman — avval “Roma”da bir mavsum, keyingi sakkiz yil davomida “Liverpul”da yonma-yon turib lahzalarni baham ko‘rdik. U ajoyib inson, haqiqiy afsona. Biz birga juda ko‘p yutuqlarga erishdik», — dedi Alisson.
Braziliyalik darvozabon, shunga qaramay, futbolda uzoq nolib o‘tirish yoki shaxsiy renjishlarga berilgan holda harakat qilish jamoaga foyda keltirmasligini ham ta’kidladi. Uning fikricha, har bir futbolchi mavjud jahon darajasidagi bosimni tushunish va kasbiy ravishda munosabat bildirishi zarur.
«Albatta, bu holat meni xursand qilmaydi. Lekin futbol shunday: ayrim vaziyatlar yuzaga keladi va sen ularni qabul qilishga majbursan. Bizni oldimizda murakkab sinov turibdi — “Inter” bu mavsumda juda ta’sirli ishlayapti. Biz esa butun diqqat va kuchimizni ertangi o‘yinga qaratganmiz», — deya qo‘shimcha qildi Alisson.
Shu bois «Liverpul» atrofidagi vaziyat, har qancha bahs-munozaralar orasida bo‘lmasin, jamoa birdamligi va ichki kuchli ruh bilan yechilayotgani ko‘rinmoqda. Muxlislar esa Saloh yana o‘zini ko‘rsatib, jamoa bilan birga muhim g‘alabalar yo‘lida qaytishini kutmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
