Bundesliganing 14-turida «Frayburg» va Dortmundning «Borussiya»si o‘zaro 1:1 hisobida durang o‘ynadi. Uchrashuvda har ikki jamoa ham g‘alabani ilib ketish uchun yetarlicha imkoniyatlar yaratdi.
31-daqiqada dortmundliklar hisobni ochdi: Rami Bensebaini Yan Koutuning uzatmasini aniq yakunlab, mehmonlarni oldinga olib chiqdi — 0:1. 53-daqiqada «Borussiya» qiyin ahvolga tushib qoldi.
Job Bellingem Filipp Troyga orqadan qo‘pol harakati uchun qizil kartochka olib, maydondan chetlatildi. Son jihatdan ustunlikka ega bo‘lgan «Frayburg» bosimni kuchaytirdi va 75-daqiqada hisobni tenglashtirdi: Lukas Xyoler «qaychi» uslubidagi zarbasi bilan gol urdi — 1:1.
O‘yin so‘ngida mezbonlar burchak to‘pidan keyin yana xavfli vaziyat yaratdi: Mattias Ginter bosh bilan darvozabonni yenga olmadi, Maximilian Eggeshtayn to‘pni to‘rga yo‘lladi, biroq ofsayd qayd etilgani sababli gol bekor qilindi. Turnir jadvalida Dortmundning «Borussiya»si ikkinchi o‘rindagi «RB Leyptsig»ga ochkolar bo‘yicha yetib oldi.
Jamoaning «Bavariya»dan ortda qolishi sakkiz ochkoni tashkil etadi. «Frayburg» esa 9-o‘rinda bormoqda.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
Ma’lumot
Mehmon guruhidagi foydalanuvchilar ushbu nashrga izoh qoldira olmaydi.
Mehmon guruhidagi foydalanuvchilar ushbu nashrga izoh qoldira olmaydi.
