Rossiya terma jamoasining sobiq futbolchisi Pavel Pogrebnyak PSJ darvozaboni Matvey Safonov haqida fikr bildirdi. U Safonov Qit'alararo kubok finalidagi yorqin o'yinidan keyin ham jamoaning asosiy posboni maqomini aniq qo'lga kiritganiga ishonmasligini aytdi.
Ma'lumki, rossiyalik darvozabon o'yindan keyingi penaltilar seriyasida to'rtta zarbani qaytarib, parijliklarga sovrinni keltirdi. Shunga qaramay, Pogrebnyak Safonovni darhol “birinchi raqam” deb atashga shoshilmaslik kerakligini ta'kidladi.
“Zo'r o'ynadi, jamoani qutqardi. Biroq Matvey endi birinchi raqam bo'ldi, deb aytmagan bo'lardim.
U bu mavsumda atigi to'rtta o'yin o'tkazdi. Intiladigan jihatlar bor”, deya Pogrebnyakning so'zlarini Metaratings keltiradi.
Pogrebnyak, shuningdek, PSJ Chevalierni katta pulga sotib olganini eslatib, Safonov o'z darajasini doimiy ravishda isbotlab borishi zarurligini qayd etdi. Matvey Safonov PSJ safida jami olti sovrinni qo'lga kiritgan.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
Ma’lumot
Mehmon guruhidagi foydalanuvchilar ushbu nashrga izoh qoldira olmaydi.
Mehmon guruhidagi foydalanuvchilar ushbu nashrga izoh qoldira olmaydi.
