Vest Hem bosh murabbiyi Nunu Eshpiritu Santu APLning 17-turida «Manchester Siti»ga qarshi o'yin oldidan OAV bilan muloqot qildi. Uchrashuv 20 dekabr kuni Moskva vaqti bilan 18:00 da boshlanadi.
Mutaxassisning aytishicha, jamoa oxirgi o'yindan keyin jiddiy muammolarga duch kelmagan. Hujumchi Niklas Fyullkrug payshanba kuni mashg'ulotlarga qaytgan.
El-Haj Malik Diuf hamda Aaron Van-Bissaka Afrika Millatlar kubogidagi ishtiroki sababli jamoaga yordam bera olmaydi. «Ular uchun xursandman.
Bu taqvimda bor edi, endi esa vaziyatni to'g'ri boshqarishimiz kerak. Tarkibdan ularning o'rnini bosa oladigan, bir nechta pozitsiyada o'ynaydigan futbolchilarni topishga harakat qilamiz», — deya Nununing so'zlarini BBC keltirdi.
Murabbiy jamoa muammosini ham ochiq tan oldi: «Biz ko'pincha hisobni birinchi bo'lib ochamiz, ammo ustunlikni ushlab qola olmaymiz. Bu haqiqat.
O'yin 90, ba'zan 100 daqiqagacha davom etadi, shuning uchun oxirigacha diqqatni yo'qotmaslik kerak. Futbolchilarimiz psixologiyasidagi shu jihatni yaxshilash ustida ishlayapmiz».
Turnir jadvalida «Manchester Siti» 34 ochko bilan ikkinchi o'rinda bormoqda, «Vest Hem» esa 13 ochko bilan 18-pog'onada. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
