Rossiya terma jamoasining sobiq futbolchisi Aleksandr Kerjakov FIFA Germaniya – Rossiya uchrashuvidagi bahsli gol muallifligini qayta ko‘rib chiqish bo‘yicha qaroridan keyin Valeriy Karpinning fikrlariga munosabat bildirdi. Karpin vaziyatni kinoya bilan izohlar ekan, endi, ehtimol, Kerjakovni ham nazorat qilib turishga to‘g‘ri kelishini aytgandi.
Bunga javoban Kerjakov hazil ohangida 2017 yilda futbolchilik faoliyatini yakunlaganidan beri 8,5 yildan buyon o‘zini o‘zi juda yaxshi nazorat qilib kelayotganini ta’kidladi va buni tekshirmoqchi bo‘lsa, uni terma jamoaning navbatdagi yig‘iniga chaqirishni taklif qildi.
"Valeriy Georgiyevich, men faoliyatimni yakunlaganimga 8,5 yil bo‘ldi, shu vaqt ichida o‘zimni o‘zim juda yaxshi nazorat qilib kelayapman. Agar bunga ishonch hosil qilmoqchi bo‘lsangiz, meni terma jamoaning keyingi yig‘iniga chaqiring", — dedi deya Kerjakovning so‘zlarini keltiradi Sport24. Kerjakov 43 yoshda.
U futbolchilik faoliyatini 2017 yilda yakunlagan. Eslatib o‘tamiz, FIFA bahsli gol muallifi sifatida Kerjakovni tan oldi. Endi yakuniy qaror Rossiya futbol ittifoqi tomonidan qabul qilinadi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
