Italiya A seriyasining 16-turida "Fiorentina" o'z maydonida "Udineze"ni qabul qildi va mavsumdagi ilk g'alabasini yirik hisobda qo'lga kiritdi. Uchrashuvning 8-daqiqasida "Udineze" darvozaboni Maduka Okoye Moyze Kinga qarshi qo'pol o'ynagani uchun maydondan chetlatildi.
Jarima zarbasini Rolando Mandragora ijro etib, to'pni to'singa tekkizdi. Oradan ko'p o'tmay Albert Gudmundsson ham ustunga tegdi, biroq hujum davomida Mandragora uzoqdan aniq zarba berib hisobni ochdi.
42-daqiqada Gudmundsson jarima maydoni tashqarisidan yo'llagan zarbasi bilan farqni ikkitaga oshirdi. Tanaffus arafasida Nikolo Fadjolining uzatmasidan so'ng Sher N'Dur bosh bilan gol urib, birinchi bo'limni 3:0 hisobida yakunladi.
Ikkinchi bo'limda maydon egalari bosimni pasaytirmadi: Fabiano Parizining zarbasidan keyin to'p yana ustunga tekkach, Moyze Kin qaytgan to'pni darvozaga joyladi. 66-daqiqada Umar Sole jarima maydoni tashqarisidan gol urib, "Udineze" uchun hisobni qisqartirdi.
Biroq ko'p o'tmay Nikolo Fortinining uzatmasidan keyin Kin yana bir bor raqib darvozasini ishg'ol etib, o'yindagi nuqtani qo'ydi — 5:1. Shu tariqa "Fiorentina" mavsumdagi ilk g'alabasini nishonladi, biroq turnir jadvalida baribir so'nggi o'rinda qolmoqda.
"Udineze" esa 9-o'rin uchun kurashayotgan jamoalar guruhida bormoqda. Gollar: Mandragora (21), Gudmundsson (42), N'Dur (45), Kin (56, 69) — Sole (66).
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
Ma’lumot
Mehmon guruhidagi foydalanuvchilar ushbu nashrga izoh qoldira olmaydi.
Mehmon guruhidagi foydalanuvchilar ushbu nashrga izoh qoldira olmaydi.
