Tottenhem Manchester Siti hujumchisini ijaraga olmoqchi

«Manchester Siti»ning markaziy hujumchisi Omar Marmush Londonning «Tottenhem» klubiga o‘tishi mumkin. TEAMtalk xabariga ko‘ra, «shporlar» Marmushni yanvarda «Bornmut» futbolchisi Antuan Semenyo uchun muqobil variant sifatida jiddiy ko‘rib chiqmoqda.

Kutilishicha, «Tottenhem» misrlik futbolchini sotib olish huquqi bilan ijaraga olishga urinadi. Joriy mavsumda 26 yoshli Marmush barcha musobaqalarni hisobga olganda 15 ta o‘yinda maydonga tushdi, 1 ta gol urdi va 1 ta golli uzatma berdi.

Transfermarkt ma’lumotlariga ko‘ra, hujumchining bozor qiymati 65 million yevroni tashkil etadi.