«Barselona» himoyani kuchaytirish uchun yana bir variant topdi

«Barselona» qishki transfer oynasida markaziy himoyani kuchaytirish variantlarini o‘rganishda davom etmoqda. «Ko‘k-anorranglilar» «hamyonbop» narxdagi munosib yangi futbolchini topishga umid qilmoqda.

Diario SPORT xabariga ko‘ra, La Liga grandi e’tiboriga Berlinning «Union» klubida to‘p surayotgan Diogu Leyte tushdi. Portugaliyalik futbolchi talablarга mos keladi va yanvar oyida transfer qilinishi mumkin.

23-yanvar kuni Diogu Leyte 27 yoshga to‘ladi. Uning «Union» bilan shartnomasi joriy mavsum yakunlangach tugaydi.

Transfermarkt mutaxassislari futbolchining qiymatini 12 mln yevroga baholamoqda. Leyte Portugaliya terma jamoasiga ikki marta chaqirilgan, biroq milliy jamoa safida hali debyut qilmagan.
“Zamin”ni Telegramʻda oʻqing!