«Real» Xabi Alonsoni iste'foga chiqarishi mumkin

Madridning «Real» klubi bosh murabbiyi Xabi Alonso hanuz iste'foga chiqarilishdan to‘liq himoyalanmagan. Dekabr o‘rtalarida ispaniyalik mutaxassis iste'fo yoqasiga kelib qolgandi, shundan so‘ng jamoa ketma-ket uchta g‘alabani qo‘lga kiritdi. 

Murabbiylar almashinuvi haqidagi gap-so‘zlar bosildi, biroq Alonsoning tez orada ketishi ehtimoli hamon istisno qilinmayapti. The Athletic xabariga ko‘ra, agar «qaymoqranglilar» barqaror tarzda g‘alaba qozonishda davom etmasa, «Real» murabbiy bilan xayrlashishi mumkin.