«Baltika»ning sobiq bosh murabbiyi Valeriy Nepomnyashchiy rossiyalik darvozabon Matvey Safonovning «PSJ»dagi istiqbollari haqida fikr bildirdi. Bu haqda euro-football.ru xabar beradi.
Mutaxassisning aytishicha, Safonov yangi yilda Parij klubida asosiy darvozabon maqomini qo'lga kiritishi mumkin. Nepomnyashchiy Matveyda buning uchun zarur sifat va imkoniyatlar borligini, u 2025 yilni o'yin jihatidan yaxshi yakunlaganini ta'kidladi.
Joriy mavsumda 26 yoshli Safonov barcha turnirlarni hisobga olganda to'rtta uchrashuvda maydonga tushdi: uchta gol o'tkazib yubordi va ikki bor darvozasini daxlsiz saqlab qoldi.
4-yanvar kuni «PSJ» Liga 1ning 17-turi doirasida o'z maydonida «Parij»ni qabul qiladi. Uchrashuv 00:45 da (Toshkent vaqti bilan) start oladi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
