«Milan» hujumchisi Kristofer Nkunku faoliyatini Turkiyada davom ettirishi mumkin. Bu haqda euro-football.ru xabar beradi.
Sports Digitale jurnalisti Yagiz Sabunjuoglu xabariga ko‘ra, «Fenerbahche» milanliklar bilan futbolchini sotib olish bo‘yicha rasmiy muzokaralarni boshlab yubordi. «Rosseneri» Nkunku uchun 35 million yevro talab qilmoqda va bu narxni pasaytirish niyatida emas. Istanbul klubi esa summani 35 milliondan pastroq qilishga urinish uchun kelishuv shartlarini muhokama qilmoqda.
Agar transfer amalga oshsa, «Fenerbahche» bosh murabbiyi Domeniko Tedesko (avval «Spartak»ni boshqargan) Nkunquni markaziy hujumchi sifatida yoki hujum ortida harakatlanadigan futbolchi rolida ishlatishni rejalashtirmoqda.
28 yoshli fransuz futbolchi Nkunku joriy yozda «Chelsi»dan «Milan»ga 37 million yevro evaziga ko‘chib o‘tgan va 2030 yil 30 iyungacha mo‘ljallangan shartnoma imzolagan. U bu mavsum «rosseneri» safida 14 o‘yinda maydonga tushib, 1 gol urdi va 2 assist qayd etdi. Transfermarkt portali Nkunquning bozor qiymatini 32 million yevroga baholamoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
