«Al-Hilol»ning o'ng qanot himoyachisi Joau Kanselu qishki transfer oynasida Yevropaga qaytishni rejalashtirmoqda. Bu haqda euro-football.ru xabar beradi.
So'nggi kunlarda portugaliyalik futbolchining Saudiya Arabistonini tark etishi mumkinligi haqida gap-so'zlar kuchaydi. Insayder Fabritsio Romano ma'lumotiga ko'ra, Milanning «Inter» klubi 31 yoshli himoyachini ijaraga olish variantini muhokama qilish uchun «Al-Hilol» bilan allaqachon bog'langan. Shuningdek, «Barselona» va «Yuventus» ham o'yinchi bo'yicha so'rov yuborgan.
Kanselu Ar-Riyod klubiga 2024 yil yozida «Manchester Siti»dan ko'chib o'tgandi. Qiziq tomoni, u avvalroq «Barselona», «Yuventus» va «Inter» safida ham to'p surgan. Transfermarkt portali himoyachining joriy narxini 10 million yevroga baholamoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
