Moskvaning «Spartak» klubida o‘ynagan sobiq himoyachi Eduard Mor A Seriyaning 18-turida «Yuventus» — «Lechche» uchrashuvida qayd etilgan natijani adolatsiz, deb baholadi. Bu haqda euro-football.ru xabar beradi.
O‘yin 1:1 hisobida yakunlandi. Turinchilar katta ustunlikka ega bo‘ldi, ikkinchi bo‘limda esa penalti imkoniyatidan ham foydalana olmadi.
«Yuventus» boshidan oxirigacha ustun bo‘ldi, o‘zlari xatodan gol o‘tkazib yuborishdi. Keyin tinimsiz bosim qildi, penalti ham urilmadi. Aslida hisob 3:0 bo‘lishi kerak edi, ammo ular bir necha bor ustun va to‘sinlarni “sinab ko‘rdi”», — deya Morning fikrlarini «Match TV» keltirdi.
Durangdan so‘ng «Yuventus» jadvalda to‘rtinchi o‘rinda qolmoqda. Turin klubi peshqadam «Milan»dan besh ochko ortda, biroq «rossoneri»ning bitta o‘yini zaxirada bor.
«Lechche» esa 16-pog‘onada qoldi va «Jenoa» g‘alaba qozonsa, bir pog‘ona pastga tushib ketishi mumkin.
“Zamin”ni Telegramʻda oʻqing!
