Alonso Vinisiusga ishonadi va Bernabeu yana olqishlaydi

Madridning “Real” klubi bosh murabbiyi Xabi Alonso La Liganing 19-turida “Betis”ga qarshi uchrashuvda muxlislarning bir qismi hushtak chalgan Vinisius Juniorni qo‘llab-quvvatladi. Bu haqda euro-football.ru xabar beradi.

Ispaniyalik mutaxassis braziliyalik vinger jamoa uchun nihoyatda muhim ekanini ta’kidlab, tribunalar kayfiyati vaqt o‘tishi bilan o‘zgarishiga ishonch bildirdi.

“Meningcha, Vinisius jamoaga juda katta hissa qo‘shdi. U oxirigacha kurashdi, ayniqsa birinchi bo‘limdagi o‘yini menga yoqdi. Vinisius ‘Real’ uchun doimo fundamental ahamiyatga ega futbolchi bo‘lib kelgan va shunday bo‘lib qoladi. Ishonchim komil, ‘Santyago Bernabeu’ hali uni yana olqishlaydi”, — dedi Alonso.

Eslatib o‘tamiz, 4-yanvar kuni “Real” “Betis”ni 5:1 hisobida yirik mag‘lub etdi, biroq Vinisius bu bahsda gol yoki assist bilan ajralib chiqmadi.