Angliya futboli afsonasi, sobiq hujumchi Alan Shirer "Arsenal" yarim himoyachisi Deklan Rays haqida o‘z fikrlarini bildirdi. Bu haqda euro-football.ru xabar beradi.
Shanba kuni Rays "Bornmut"ga qarshi o‘yinda ikki bor gol urib, "kanonirlar"ga 3:2 hisobidagi muhim g‘alabani olib keldi.
Shirerning ta’kidlashicha, Deklan har qanday murabbiy uchun ideal futbolchi: u ishiga jiddiy yondashadi, deyarli o‘yin qoldirmaydi va maydonga tushganida doim barqaror yuqori saviyada harakat qiladi. “U kamida 10 ballik tizimda 8 ball darajasida o‘ynaydi. Ajoyib futbolchi”, deya uning so‘zlarini ingliz OAV keltirmoqda.
Mikel Arteta jamoasi 8 yanvar kuni o‘z maydonida "Liverpul"ni qabul qiladi. Hozirda londonliklar APL turnir jadvalida peshqadam bo‘lib turibdi va "Manchester Siti" hamda "Aston Villa"dan olti ochko oldinda.
“Zamin”ni Telegramʻda oʻqing!
