Italiya chempionatining 19-turida “Lecce” va “Roma” uchrashuvi yuqori tempda kechmadi, o‘yin davomida vaziyatlar ko‘p ham kuzatilmadi. Bu haqda euro-football.ru xabar beradi.
Hisob 14-daqiqada ochildi: Brian Kristante jarima maydoni yaqinida Paulo Dibalani topdi, u esa to‘pni Evan Fergyusonga uzatdi. Hujumni aniq zarba bilan yakunlagan Fergyuson darvozaning chap burchagini nishonga olib, mehmonlarni oldinga olib chiqdi — 0:1. Birinchi bo‘lim oxirlarida Zeki Chelik chap qanotdan uzatma amalga oshirdi, riko‘shetdan keyin Fergyuson yaqin masofadan urdi, biroq darvozabon oyog‘i bilan xavfni bartaraf etdi.
Ikkinchi taymda “Lecce”ning imkoniyati bo‘ldi: Konan N’Dri o‘ng tomondan pastdan uzatdi, jarima maydoni markazida Santiago Pyerotti qulay vaziyatdan foydalana olmadi. “Roma” ham bosimni oshirdi — uzoq davom etgan hujumda Uesli Fransaning pasidan keyin Dibala bir teginishda zarba berdi, ammo to‘p darvoza ustidan o‘tib ketdi. 71-daqiqada burchak zarbasidan keyingi ikkinchi to‘lqinda o‘ng qanotdan Nikcolo Pizillining past uzatmasini Artem Dovbik bir teginishda yakunlab, hisobni oshirdi — 0:2.
Ushbu g‘alabadan so‘ng “Roma” 36 ochko bilan kuchli uchlikka yaqinlashdi, peshqadam “Inter” esa atigi 3 ochko oldinda. “Lecce” esa turnir jadvalining quyi qismida — pastdan beshinchi o‘rinda bormoqda.
“Zamin”ni Telegramʻda oʻqing!
