Matbuotda «Real» hujumchisi Vinisius Juniorning «Atletiko» bosh murabbiyi Diego Simeone bilan tortishuvi hanuz qizg'in muhokama qilinmoqda. Bu haqda euro-football.ru xabar beradi.
El Partidazo de COPE xabariga ko'ra, «Atletiko» tomonida Vinisius ehtimoliy penalti talab qilgan paytda raqib zaxira o'rindig'iga qarata masxaraomuz ishoralar qilgani aytilmoqda.
Vaziyatda Simeone braziliyalik futbolchini o'yinga e'tibor qaratishga chaqirgan. Bunga javoban Vinisius kulib: «Xotirjam bo'ling, hozir darvozangizga penalti qo'yishadi», degan.
Uchrashuv yakunida «Real» 2:1 hisobida g'alaba qozonib, Ispaniya Superkubogi finaliga yo'l oldi. Hal qiluvchi o'yinda «qirollik klubi» «Barselona»ga qarshi maydonga tushadi, final 11-yanvar, yakshanba kuni bo'lib o'tadi.
“Zamin”ni Telegramʻda oʻqing!
